جرى العرف انه يتقال عليه الخلع الخلقى لمفصل الورك لكن اسمه الاصح واللى بيوصف المشكلة علميا انه خلل فى نمو مفصل الورك، قد ينتج عنه خلع كامل او جزئي فى المفصل او مجرد تسطح للحق.

عند الاكتشاف المبكر لخلع مفصل الورك الولادى يبدأ العلاج بهذا الحزام وتتم المتابعة كل اسبوعين بسونار على مفصل الورك.
دواعى استخدامه :
للخلع القابل للرد وعمر الطفل أقل من 6 شهور.

طبيعى جدا انك تخاف لو طفلك عنده خلع فى مفصل الورك وللأسف محتاج جراحة.
منطقة الحوض والورك صعبة، وقصة انى اسيب ابنى أو بنتى تتبنج وتعمل جراحة فى المنطقة التشريحية دى فده شئ مرعب.
انا كجراح مقدر هذا الأمر وعشان كده مباضغطش على الأهل باسيبهم ياخدوا قرارهم بكل اريحية.
وهنا هاجاوبك على أهم ٣ اسئلة بخصوص جراحة خلع مفصل الورك الولادى:
هو ايه خطوات العملية؟
١-تطويل وتر العضلة الضامة
٢-تطويل وتر العضلة القطنية الحرقفية (illiopsoas )
٣-إزالة كل معوقات رد مفصل الورك من أنسجة ليفية دهنية، إزالة الرباط المدور للفخد، رباط الحوض المستعرض. (اسامي تقيلة سيبك منها هى الفكرة انى كجراح باستأصل كل ما يمنع ان نرد رأس الفخد)
٤-رد المفصل وإعادة بناء حافظة المفصل.
٥-شق عظمى للحق، عشان يكون عميق يستوعب رأس الفخد.
جبس ما بعد العملية مدته كم يوم؟
٣ شهور، لكن ممكن يقل لشهرين
ايه اللى هيتم بعد مرحلة الجبس؟
للأسف الطفل بياخد وقت طويل ممكن من ٣ الى ٦ شهور عشان يقدر يمشي بصورة طبيعية وده عادى جدا مفيش منه قلق، ممكن نلبس جبيرة ليلية، ممكن نحتاج علاج طبيعى لكن بحرص شديد لأن بسبب طول فترة الجبس بتكون العظام ضعيفة.