جرعة العظام اليومية
قصة نجاح ملهمة
الحمد لله على توفيقه، بعد مرور سنة من اجراء العملية حبيت احكى القصة الجميلة دى وخصوصا انها ملهمة جدا ليا ولأى أسرة فيها طفل فيه مشكلة تخص المشي.
الاكتشاف والعلاج المبكر لمشاكل عظام الأطفال
جالى اب فى العيادة بطفله الجميل اللى عمره حوالى سنة وقلقان لأن عنده تقوس ، بعد ما فحصته وشوفنا اشعاته طمنته وقلت له مفيش داعى للقلق فى العمر ده اهم حاجة فيتامين د والمتابعة. فقاللى كلام كان هو سبب الفيديو اللى انت سمعته "انا باطمن عليه من دلوقت لئلا المشكلة تكبر ويبقى علاجها صعب".
وفعلا الاكتشاف والعلاج المبكر لمشاكل عظام الأطفال بيوفر وقت للطفل والأهل. وكمان حتى لو فى مشكلة ومحتاجة جراحة كل ماكان التشخيص مبكر كل ماكانت الجراحة اسهل والنتائج أفضل.
الرباط الصليبى
صغير لكن مهم جدا
بيحافظ على ثبات الركبة أثناء هبوط القدم والساق على الأرض فى دورة المشي.
يعنى لو الرباط الصليبى اتقطع دايما المريض يشتكى ان ركبته بتخونه دايما مع المشي.
من اللفة لغاية المشي
برنامج متابعة القدم المخلبية:
اولا الكشف وفحص كل مفاصل الطفل وتأكيد التشخيص
ثانيا لو تم تشخيصها قدم مخلبية بنبدأ الاتى
@@ ٤ او ٦ مرات جبس بونسيتى
@@ بعدها تطويل الوتر بدون غرز جراحية وجبس لمدة شهر.
@@ بعدها متابعة مجانية لاربع زيارات للاطمئنان على لبس الجبيرة المسطرة وتعليم الام تمارين القدم.
@@ وطوال السنة زيارة شهرية للطبيب للمتابعة بسعر الاستشارة.
هنطمنك على طفلك من اللفة لغاية المشي
تيبس الكتف
المريض مش بيقدر يحرك دراعه وكتفه بسبب تيبس المفصل.
✅ اكتر ناس بيجيلها :
✳️ السيدات
✳️ لو العمر اكبر من ٤٠ سنة
✳️ مرضى السكر
✳️ ما بعد جراحات كسور الكتف
✳️ مرضى الغدة الدرقية
✅ ازاى بيبدأ :
✳️ فى اول مرحلة :
الحركة شغالة لكن بيحصل ألم أثناء رفع الذراع لاعلى او دورانه للخلف
الالم بيزيد بالليل.
✳️ فى تانى مرحلة :
بيحصل تيبس وتجمد
✅ العلاج :
✳️ أدوية مضادة للالتهاب ومسكنات موضعية
✳️ جلسات العلاج الطبيعى
✳️ الحقن الموضعى
✳️ تحريك الكتف تحت مخدر
✳️ واخيرا جراحة بسيطة جدا منظار لفك التصاقات المفصل
الاليزاروف
من الاجهزة اللى عملت طفرة فى جراحة العظام.
حل لنا مشاكل كتير منها :
تطويل العظام.
تثبيت الكسور المفتوحة.
تثبيت مابعد التهاب صديدى او تسوس فى العظام.
تصليح التشوهات.
قصة الحج اليزاروف
دكتور روسي مواليد ١٩٥٠
استلهم فكرة الجهاز من عدة ربط الحصان بالعربية
واستخدمه اكتر فى كسور الجنود فى الحرب العالمية الثانية
منهم كان جندى بدل ماكان بيضغط عشان الكسر يلحم كان بيطول
فلاحظ ان الرجل طولت
وهنا بدا يكتشف قصة distraction osteogenesis
ودى معناها انك لما تكسر العضم وتبدأ تطول مل يوميا فى عضم جديد بيتكون على الطول الجديد.
اختناق العصب
دى مشكلة بتحصل للى بيشتغلوا بايديهم كتير
زى الصنايعية او السيدات فى الاعمال المنزلية أو الموظفين اللى بيسخدموا الكمبيوتر كتير أو الموبايل.
بيبقى فى تنميل وكهربا فى صوابع اليد وخصوصا الابهام، دايما بيبدأ فى الليل اكتر ، ولما بتزيد بيبقى طول اليوم.
بنشخصها بالفحص ورسم العصب، بناخد علاج دوائى فى الاول ولو متحسنش ، ممكن نحقنها ولو متحسنش يبقى جراحة تسليك...
أهم 3 أسئلة لو ركبة لاعب كرة القدم أصيبت
أهم ٣ اسئلة بنسألها لو جالى لاعيب كرة مصاب بركبته
هل الركبة تورمت بمعدل سريع ؟
هل مقدرتش تكمل الماتش؟
هل سمعت صوت فرقعة اثناء الاصابة ؟؟
لو كانت كل اجاباته ب نعم
ففى احتمالية كبيرة تكون فى اصابة وقطع فى الرباط الصليبي.
هشاشة العظام
العظام
نسيج حى
ينكسر ويستبدل باستمرار.
هشاشة العظام
بتحصل لما يزيد معدل فقد العظام القديمة عن خلق عظام جديدة.
النتيجة
ضعف لدرجة ان اى سقوط او مجهود بسيط مثل الانحناء او مجرد كحة او عطسة تعمل كسر.
أكتر الاماكن اللى بتحصل فيها كسور هشاشة العظام
الورك والعمود الفقرى والمعصم.
كسور هشاشة العظام عند كبار السن.
جراحة تغيير نصف مفصل
كسور عنق الفخد شائعة جدا فى كبار السن بسبب هشاشة العظام.
وعشان نبعد عن مضاعفات الرقدة فى السرير ودى عبارة عن :
١- جلطات الأوردة
٢-جلطات الرئة
٣-الالتهاب الرئوى
٤-قرح الفراش
٥-الاكتئاب والاحباط
بنضطر نعمل جراحة تغيير نص مفصل اللى بعدها العيان بيمشي من تانى يوم على رجليه.
المريضة اللى فى الصورة مشيناها فى المستشفى على رجليها قبل ماتروح ونشكر ربنا بتدعى لنا يوميا.
الغضروف الهلالى
موجود فى الركبتين قطعتين من الغضاريف على شكل الهلال بتقوم بدور المخدة بين عظم الساق وعظم الفخذ.
تمزُّق الغضروف الهلالي أحد إصابات الركبة الأكثر شيوعًا.
سبب تمزُّق الغضروف الهلالي:
تدوير الركبة بقوة أثناء تحميل وزن الجسم كاملا عليها.
يعنى الركبة تلف وانت جسمك ثابت.
أعراض تمزق الغضروف الهلالي
١- ألمً
٢-تورمً
٣-تيبُّسً
٤-صعوبة في حركة الركبة
٥-ممكن تلاقى مشكلة في فرد ركبتك بالكامل.
التمفصل الكاذب لعظمة القصبة
مرض نادر بيحصل فى واحد لكل 150000 طفل.
يؤدى الى كسر مزمن لا يلتئم، .
احيانا بيكون مصاحب لمرض التورم الليفى العصبى NEUROFIBROMATOSIS
له طريقة جراحة مختلفة بنستخدم علاج دوائى زوميتا قبل العملية باسبوعين جرعة ، وبعدها بثلاث شهور جرعة أخرى.
بالاضافة لذلك بنستخدم تقنية تثبيت متطورة بمسمار تمددى مع ترقيع كثير للعظام بدون استخدام جهاز اليزاروف.
من فضلك شير لأن للأسف اطفال كتير بنقابلهم بيكونوا دخلوا فى سلسلة جراحات تثبيت اعتيادية فاشلة، محتاجين نوعى المجتمع بهذه المشكلة.
